بول فقیرا ہک جائزہ ہور تاثرات
پچھلے کجھ ترے چار دہائیاں دے عرصے بچ پہاڑی زبان و ادب کو حاصی ترقی نصیب ہوئی دی ہے ،چاہے اوہ فکشن دا زمرہ ہووے یا غیر افسانوی نثر یا پھر شعر و شاعری دا انہاں ترہیاں صنفاں دے اندر پہاڑی زبان و ادب بچ ہک ہّچھی خاصی تعدا د اساں کول جمع ہو گئ دی ہے ۔ چونکہ مہاڑا موضوع شعری مجموعہ "بول فقیرا"دی شعری خصوصیت ہور اہمیت تا تنقیدی نقطۂ نگاہ نال گل کرنی ہے، اس واسطے میں دویاں ساریاں زمریاں سی قطع نظر کردیاں ہویاں صرف "بول فقیرا "بچ شامل شاعری تا سرسری جئی نظر بیساں ۔