"بُڈھی مائی " میں اَج بُڈھی مائی اک تکی کئی صدیاں نی مائی سی بُڈھی اک بوٹے سنگ ٹیکن لگی سِر تھیں ننگی پیروں واہنی چھم چھم رووے اکھوں کافی کہلئی راہ ور وازاں مارے ماہڑے پُتر کتھے مری گئے میں تساں کی دُدھ پلایا خوشی خشائیں موہنڈے چایا لوری دہئی دہئی سینے لایا ہائے بچیوں میں بچیاں والی جمی پلی اوتر ہوئی یاں لوکاں ماہری چادر پھاڑی فِر موڑی دو پھاڑے کیتا عزت وی نیلام ہوئی گئی دَد دَد ور میں تہکے کھانی پُتر ماہڑے کُتھے مری گئے میں پُچھیا توں کُن ایں مائے؟ کہہ کوئی توہڑا یوسف گمیا ؟ لکھاں یوسف ماہڑے پُتر ماہڑے پُتر گم گئے نی میں آں پہاڑی بولی بچیا ماہڑے پُتر لوڑہاں کُدھرے اس دنیا بچ ہو کوئی دِکھیا سُکھیا نیہہ کوئی دِسیا سو نسیماں ؔسُکھیاں لبھا جس کولوں نیہہ پُچھیا